Biografie - Vaughan Gardiner

As daar iets gebeur, wil ek graag hê jy moet daarvan weet! Vul asseblief jou details heronder in, en hoor so nou en dan van my!

Naam:
Email:

Hier is 'n paar links wat ek dink julle van behoort te weet:

Vaughan bedank graag sy borge:

Vaughan Gardiner het homself al gevestig as suksesvolle musikant, akteur en musiekvervaardiger, maar tog is hy nog ver van waar hy wil wees… sy drome is groot.

Alhoewel hy gebore is in Sandton, Johannesburg op 14 April 1987, het Vaughan skoolgegaan en groot geword in die Kaap, waar hy gewoon het saam met sy pa Vivian, ma Ophelia en jonger broer, Selwyn. Eers na hy sy B.Rek graad verwerf het aan die Universiteit Stellenbosch in 2008, en sy debuut album vrygestel het in 2009, het hy Centurion toe getrek waar sy beroep behoorlik vlam gevat het. Maar Vaughan se liefde vir musiek het nie oornag geblom nie, dit kom al van kleins af.

Op agt jarige ouderdom het Vaughan vir die eerste keer ‘n mikrofoon vasgehou. Daarna het hy aan sangkompetisies begin deelneem, leer akoestise en elektrise kitaar speel, en homself leer klavier speel. Op veertien het hy met klassieke sangopleiding by Koba Wicomb begin, en aangehou totdat hy, in 2009, uit die Kaap getrek het.

Hoërskool was die tyd wat Vaughan se loopbaan bepaal het. Tussen deur die tennis, krieket en rugby het hy gespeel in die Griekse tragedie, Oedipus the Tyrant, wat opgevoer is deur die Kunstekaap Teater in die Kaap. Dit het hom voorberei vir sy toekomstige hoofrolle in Jock of the Bushveld – The Musical en TREE AAN! Die Grensoorlog musiekspel. In sy Gr 11 jaar (2004) het hy deelgeneem aan ŉ skoonheidskompetisie by sy skool. Daar het akteur, Ivan Zimmerman, hom raakgesien en voorgestel aan Sean Else (toe lid van Eden en, later, een van die stigters van Mozi Records). Vaughan beïndruk toe vir Sean met sy demo, en word opgeteken deur Johan Vorster en Sean Else as Mozi Records se eerste kunstenaar. Maar die tyd was nog nie reg vir Vaughan nie, en eers vyf jaar later (2009) het hy sy debuut album, Wie Ek Is, vrygestel. Intussen het hy kans gekry om as sanger, musikant, skrywer en vervaardiger te groei.

Nadat hy betrokke was by die vervaardiging van sy eie album, het Vaughan kans gekry om op ander kustenaars se albums te vervaardig insluitende Izak Davel, Riaan Grobler, Lianie May, Jannie Moolman en Bok van Blerk. In 2011 begin hy as vervaardiger by Sean Else se studio. Hy skryf ook graag vir ander kunstenaars, onder andere Lianie May, Karlien van Jaarsveld, Riaan Grobler, Izak Davel en Jomari Greyling.

Vir sy debuut album het Vaughan ŉ hele paar nominasies en toekennings losgeslaan. Hy is genomineer as Beste Nuweling by die Huisgenoot Tempo Toekennings sowel as die Rapport Vonk Toekennings; sy eerste “single” – Gooi jou arms om my is genomineer in die kategorie Beste Liedjie, ook by die Vonk Toekennings; hy ontvang ŉ toekenning vanaf Vaal Music Radio as een van 2009 se top tien kunstenaars; hy ontvang die 2010 MK Award in die kategorie Beste Solo, en is vir dieselfde kategorie genomineer in 2011. Maar Vaughan se (accolades) stop nie by musiek nie – in 2010 vertolk hy sy eerste hoofrol in Deon Opperman se Jock of the Bushveld - The Musical, en ontvang ŉ Naledi Theatre Awards nominasie as beste nuweling vir hierdie rol.

Toneelspel daarna sluit in die hoofrol in Deon Opperman se TREE AAN! Die grensoorlog musiekblyspel; ŉ hoofrol in die KykNet dramareeks – Hartland, en ŉ hoofrol in die musiekfliek, Platteland. En nog vele meer wat voorlê